Antartikan gero eta izotz gutxiago dago. Ez bere azalera osoan eta ezta erritmo berean ere, baina eskualde zaurgarrienetan atzerakada gero eta ageriagokoa da eta azkartzen ari da. Adibidez, Smith glaziarrak 42 kilometro egin ditu atzera 30 urte eskasetan, Pine Island glaziarrak 33 eta Thwaitesek 26. Antartikako mendebaldean arreta gehien bereganatu duten hiru glaziarrak dira. Eta hirurek, aldi berean, kontinente barrurantz hondoratzen diren ohantze harritsuetan atzera egiten dute. Hori gertatzen denean, atzerapenak bera bakarrik bizkortzeko joera du.